Over Os
In november 1984 és op Moêzel vastelaovundjvereiniging De Knoûwels ontstânge. Vanuut 'n buurtvereiniging besloote 10 gezinne, met 't vasteaovundjhert oppe zjuste plek, wieter te gaon als vastelaovundjvereiniging met de bedoeling wat dekker aan 'ne optocht mej te gaon doon. En dét és gelöktj. In 2006 dejie De Knoûwels vör de 22e kieër meij en det és beejzundjer, want dét keumtj mer eins inne 22 jaor vuuer. In hun 22-jaorig bestoan kin deez vereiniging terök kiêke op 'ne geweldjige tieëd vôl lôl en flauwekûl woeëbeej ze 21 jaor optochte hebbe gelaupe beej zoewaal de Vêrkusköp as beej de Rogstaekers. Inne motto's vanne Knoûwels weurtj dék de Wieërter politiek oppe hak genoome, hieëf börgemeister Loeki tegooj Wieërts kinne lieëre, weurtj Wieërt plat gewalsj oppe Second Wals van Rieu en weurtj de laevendjige meziek beej de Wieërter minse onger de aandacht gebrachtj. En dét De Knoûwels neet stil hebbe gezaete, blieëktj waal uut 't feit det d'r sinds 'n aantal jaor 'n derdje generasie Knoûwelkes mej bouwe vör en mej laupe inne optocht. Ôngertusse bestieët de vereiniging in 2015 31 jaor en hieët de nôw generasie het hielemaol overgenôme met motto's as lidjes uut de aoj doeës, Tieege os motto kiektj iederein op en wi-j zoeë....... alles greun....... .
En auch nao 31 jaor goan ze gewoeën oppe zelfje voot wieter!!